22.10.2025

25 кастрычніка стартуе рэспубліканская акцыя "За бяспеку разам"

Статыстыка штогод сведчыць, што пераважнай прычынай гібелі людзей ад пажараў у жыллi з'яўляюцца бестурботныя, неасцярожныя дзеянні грамадзян, няведанне правілаў альбо ўсвядомленае грэбаванне мерамі бяспекі.

Па стане на 19 кастрычніка 2025 года ў Беларусі адбыўся 5241 пажар (павелічэнне на 6,6% у параўнанні з аналагічным перыядам мінулага года). Ад агульнай колькасці пажараў на жылы фонд прыпадае 77,3%.

Асноўныя прычыны ўзнікнення пажараў

• Па прычыне неасцярожнага абыходжання з агнём адбылося 1873 пажару (35,7% ад усіх пажараў). З іх па прычыне неасцярожнага абыходжання з агнём пры курэнні - 1007 пажараў.
• Па прычыне парушэння правілаў уладкавання і эксплуатацыі электрасетак і электраабсталявання адбылося 1485 пажараў (28,3% ад усіх пажараў).
• Па прычыне парушэння правілаў уладкавання і эксплуатацыі печаў, цеплагенерыруючых агрэгатаў і прылад адбылося 1005 пажараў (19,2% ад усіх пажараў).

Загінуўшыя на пажарах

Колькасць загінуўшых на пажарах склала 415 чалавек, з іх 4 дзяцей. Большасць трагедый адбылася ў жылым сектары.

Найбольшая колькасць людзей загінула ад пажараў, якія адбыліся па прычыне неасцярожнага абыходжання з агнём - 300 чалавек (72,3%). З іх па прычыне неасцярожнага абыходжання з агнём пры курэнні загінулі 250 чалавек. Ад агульнай колькасці загінуўшых на пажарах у стане алкагольнага ап'янення знаходзіліся 261 (62,9%) чалавек.

У мэтах павышэння ўзроўню культуры бяспекі сярод насельніцтва Міністэрствам па надзвычайных сітуацыях у перыяд з 25 кастрычніка па 2 лістапада арганізавана правядзенне ўжо стаўшай традыцыйнай рэспубліканскай пажарна-прафілактычнай акцыі па папярэджанні пажараў і гібелі людзей ад іх у жыллёвым фондзе "За бяспеку разам". Да мерапрыемстваў далучацца Міністэрства ўнутраных спраў, Міністэрства працы і сацыяльнай абароны, Міністэрства адукацыі, Міністэрства інфармацыі, Міністэрства жыллёва-камунальнай гаспадаркі, Міністэрства аховы здароўя і Міністэрства энергетыкі, Беларускае добраахвотнае пажарнае таварыства.

У ходзе акцыі акцэнт будзе зроблены на абследаванне супрацьпажарнага стану домаўладанняў адзінокіх і адзінока пражываючых пажылых грамадзян, інвалідаў, сем'яў, у якіх дзеці знаходзяцца ў сацыяльна небяспечным становішчы, правядзенне з імі інструктыўна-растлумачальнай работы па выкананні правілаў пажарнай бяспекі, а таксама інфармаванне насельніцтва аб магчымасцях дзяржаўных арганізацый па аказанні паслуг па забеспячэнні іх бяспекі.

Важна: у рамках акцыі звярнуцца ў тэрытарыяльныя органы і падраздзяленні па надзвычайных сітуацыях для правядзення абследавання супрацьпажарнага стану свайго жылля можа любы жадаючы.

Таксама ратавальнікі навучаць асновам бяспекі жыццядзейнасці, мерам па папярэджанні пажараў і іншых надзвычайных сітуацый і дзеянням у выпадку іх узнікнення работнікаў службаў жыллёва-камунальнай гаспадаркі, а таксама работнікаў, якія аказваюць сацыяльную і медыцынскую дапамогу дома.

Нагадваем, што ў адпаведнасці з заканадаўствам Рэспублікі Беларусь адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве прыватнай уласнасці, ускладзена на іх уласнікаў. Таму праверце на працаздольнасць аўтаномныя пажарныя апавяшчальнікі, а ў выпадку іх адсутнасці – усталюйце іх у жылых памяшканнях домаўладання. Звярніце ўвагу на спраўнасць ацяпляльнага абсталявання і электрычнай праводкі. Не пакідайце дзяцей без нагляду дарослых.

Прымайце ўдзел у акцыі і будзьце ў бяспецы!