31.03.2025

Вынікі міжнароднага маладзёжнага тэатральнага форуму "M.@rt.кантакт" падвялі ў Магілёве

Вынікі XVIII Міжнароднага маладзёжнага тэатральнага форуму "M.@rt.кантакт" падвялі ў Магілёве, перадае карэспандэнт БЕЛТА.

Завяршыла праграму форуму пастаноўка Брэсцкага акадэмічнага тэатра драмы імя Ленінскага камсамола Беларусі "Дастаеўскі. Ігрок". Спектакль - гэта роздум аб прыродзе рускай душы і глыбокі погляд на творчасць вялікага пісьменніка. Рускае сямейства па волі лёсу аказваецца ў еўрапейскім горадзе Рулетэнбург. Там іх ахоплівае сапраўдны кругаварот спакус, галоўная з якіх - азартная гульня. Неадольнае жаданне імгненна абагаціцца абуджае ў душах бедных людзей д'яблаў. Галоўныя пытанні - ці змогуць яны захаваць у сабе чалавека або гордасць загубіць іх.

Пасля спектакля прайшла ўрачыстая цырымонія закрыцця форуму. Пераможцам па версіі экспертнага складу журы XVIII Міжнароднага маладзёжнага тэатральнага форуму "M.@rt.кантакт" стала пастаноўка "Палата нумар 6" Тэатра-фестывалю "Балтыйскі дом" з Санкт-Пецярбурга.

Спецыяльнымі дыпломамі экспертаў форуму адзначаны Пермскі тэатр "Ля Моста", Тэатр юных гледачоў імя А.Бранцава (Санкт-Пецярбург, РФ), Гомельскі гарадскі маладзёжны тэатр, Азербайджанскі дзяржаўны акадэмічны рускі драматычны тэатр, Орскі дзяржаўны драматычны тэатр імя А.С.Пушкіна, Магілеўскі абласны тэатр драмы і камедыі імя В.Дуніна-Марцінкевіча, Драматычны тэатр "Тэатральны каўчэг у Дубраве" імя протаіерэя Аляксандра Меня (Сергіеў Пасад, РФ), Гомельскі абласны драматычны тэатр, Магілёўскі абласны драматычны тэатр, а таксама Арлоўскі дзяржаўны тэатр для дзяцей і моладзі "Свабодная прастора", Разанскі тэатр драмы, Камерны драматычны тэатр (Волагда, РФ). На думку маладзёжнага журы "Залатая маска" дасталася спектаклю "Дуброўскі" Ульянаўскага маладзёжнага тэатра імя Аляксандрава. Дыпломамі адзначаны тэатр "Каля дома Станіслаўскага" (Масква, РФ), Пермскі тэатр "Ля Моста", Тэатр-фестываль "Балтыйскі дом" (Санкт-Пецярбург, РФ), Камерны драматычны тэатр (Волагда, РФ) і Арлоўскі дзяржаўны тэатр для дзяцей і моладзі "Свабодная прастора".

Прыз сімпатый гледачоў заваявала пастаноўка "Кармэн. Гісторыя Хасэ" Арлоўскага дзяржаўнага тэатра для дзяцей і моладзі "Свабодная прастора".

БелТА