Урачыстая цырымонія перапахавання астанкаў савецкіх воінаў, паднятых з Быхаўскай зямлі падчас пошукавых экспедыцый, прайшла ў вёсцы Красніца Смоліцкага сельсавета. Астанкі 43 байцоў Чырвонай Арміі, загінулых пры вызваленні Быхаўшчыны, былі перапахаваныя на святой зямлі. Яны здабылі спакой. Імёны толькі двух байцоў удалося ўстанавіць – старшына Васіль Андрэевіч Купрыянаў, які гераічна змагаўся за вёску Красніца і быў узнагароджаны медалём «За баявыя заслугі», і радавы Фёдар Іванавіч Красноў. Памяць загінулых герояў ушанавалі хвілінай маўчання і ўсклалі кветкі і гірлянды да брацкай магілы.