10.11.2025

Сучасны і ўтульны дзіцячы сад адкрылі ў Буйнічах

У аграгарадку Буйнічы Магілёўскага раёна пасля капітальнага рамонту адкрыўся яслі-сад нумар 1, разлічаны на 25 месцаў. Ужо сёння тут выхоўваюцца 15 малышоў, а новыя ўмовы выклікаюць шчырае захапленне ў бацькоў і педагогаў. За час рэканструкцыі былі поўнасцю абноўлены сцены, дах, агароджа, устаноўлена новая мэбля, сантэхніка і электраабсталяванне, а таксама добраўпарадкавана дваровая тэрыторыя з гульнявымі комплексамі.