22.05.2025

Стартуе прыём заявак на ўдзел у міжнародным фестывалі анімацыйных фільмаў "Анімаёўка"

Стартуе прыём заявак на ўдзел у міжнародным фестывалі анімацыйных фільмаў "Анімаёўка - 2025". Аб гэтым БЕЛТА паведамілі ў Магілёўскім абласным вытворчым унітарным прадпрыемстве "Кінавідэапракат".

У бягучым годзе ХХVIII Міжнародны фестываль анімацыйных фільмаў "Анімаёўка-2025" пройдзе ў Магілёве і Магілёўскай вобласці з 24 па 26 верасня.

Ужо адкрыты прыём заявак на ўдзел у конкурсах анімацыйных фільмаў, дзіцячай анімацыйнай творчасці, дзіцячага выяўленчага мастацтва і дэкаратыўна-прыкладной творчасці.

Арганізатарамі фестывалю з'яўляюцца Міністэрства культуры і Магілёўскі абласны выканаўчы камітэт.

З больш падрабязнай інфармацыяй аб падачы і форме заявак можна азнаёміцца на партале "Кінавідэапракат".

БелТА