09.06.2025

"Сэрца агульнае ў зямлі маёй і ў мяне". Помнік легендарнаму старшыні калгаса "Радзіма" адкрылі ў Бялыніцкім раёне

Дзясяткі людзей і жывых кветак, сотні добрых успамінаў, слоў падзякі і прызнання... Помнік легендарнаму старшыні Бялыніцкага СВК "Калгас "Радзіма" Аляксандру Міхайлавічу Лапацентаву адкрылі ў аграгарадку Вішоў Бялыніцкага раёна. Манумент размясцілі на алеі славы сельскагаспадарчага прадпрыемства, а кветкі да яго падножжа ў гэты ўрачысты дзень усклалі родныя і блізкія былога кіраўніка, мясцовыя жыхары і ганаровыя госці мерапрыемства - тыя, хто быў асабіста знаёмы з гэтым заслужаным чалавекам і захапляўся яго кіраўніцкім талентам, мудрасцю і нязломнасцю нават у самыя цяжкія часы.