13.03.2025

Саюзныя парламентарыі абмяркуюць стварэнне экспазіцыі музея ў мемарыяльным комплексе "Буйніцкае поле"

Пасяджэнне Камісіі Парламенцкага сходу Саюза Беларусі і Расіі пройдзе 19 сакавіка ў Маскве, паведамілі БЕЛТА ў прэс-службе сходу.

"Дэпутаты абмяркуюць пытанні падрыхтоўкі да рэалізацыі мерапрыемстваў Саюзнай дзяржавы, прадугледжаных бюджэтам Саюзнай дзяржавы на 2025 год, па напрамку дзейнасці камісіі. Плануецца абмеркаванне ходу падрыхтоўкі і ўзгаднення праекта Саюзнай дзяржавы "Стварэнне экспазіцыі музея на тэрыторыі мемарыяльнага комплексу "Буйніцкае поле", - расказалі ў прэс-службе.

Парламентарыям будуць таксама прадстаўлены папярэднія вынікі выканання бюджэту Саюзнай дзяржавы за 2024 год і інфармацыя аб ходзе распрацоўкі і ўзгаднення новых праектаў і мерапрыемстваў Саюзнай дзяржавы па пытаннях, што знаходзяцца ў веданні Камісіі Парламенцкага сходу па культуры.

Да ўдзелу ў мерапрыемстве запрошаны прадстаўнікі Пастаяннага камітэта Саюзнай дзяржавы, міністэрстваў культуры Беларусі і Расіі.

БелТА