XII Рэспубліканскія спаборніцтвы санітарных дружын грамадзянскай абароны прайшлі ў Магілёве. На вучэбна-трэніровачным палігоне сабраліся дружыны, якія занялі першыя месцы на абласных і Мінскім гарадскім спаборніцтвах. Магілёўскі рэгіён прадстаўлены камандай ААТ "Магілёўхімвалакно", Віцебскі - прадпрыемствам "Нафтан", Гомельскі - "Гомсельмаш", Брэсцкі - "Савушкін прадукт", Гродзенскі - Ашмянскі сыраробны завод, Мінскі - БЕЛАЗ, сталіцу прадставіла каманда "Беларусбанк". На спаборніцтвах санітарныя дружыны прадпрыемстваў паказалі тэарэтычныя веды і прадэманстравалі практычныя навыкі па аказанні першай медыцынскай дапамогі ў розных сітуацыях: у ачагах камбінаванага і хімічнага паражэння, інфекцыйнага захворвання.