28.12.2023

Пасол Казахстана ў Беларусі: беларуская прамысловасць развіваецца вельмі добра, а прадукцыя не ўступае сусветным аналагам

Анатоль Ісачэнка прывітаў гасцей і падзякаваў за візіт, адзначыўшы, што нашы краіны ўжо больш як 30 гадоў звязваюць дыпламатычныя адносіны: склаліся міжрэгіянальныя, эканамічныя, культурныя сувязі.

Па аб'ёме беларускага экспарту Казахстан уваходзіць у дзясятку асноўных гандлёвых партнёраў Рэспублікі Беларусь. Надае важнае значэнне развіццю двухбаковых адносін і Магілёўская вобласць. Для Прыдняпроўскага края Казахстан з'яўляецца адным з найважнейшых эканамічных партнёраў і займае другое месца ў знешнегандлёвым абароце і экспарце сярод краін Еўразійскага эканамічнага саюза. Асноўныя артыкулы экспарту ў Казахстан - гэта шыны, малочная прадукцыя, мяса птушкі, ліфты, запчасткі для аўтамабіляў і трактароў, помпы, пліты ДСП. Нашы прадпрыемствы закупляюць у Казахстане баваўняную пражу і іншыя тавары. За апошнія некалькі гадоў адзначаецца дадатная дынаміка знешняга гандлю Магілёўскай вобласці і Казахстана.