01.10.2020

МДУ імя А. А. Куляшова прымае ўдзел у міжнароднай адукацыйнай анлайн-выставе «Адукацыя ў Беларусі – 2020»

29 верасня адкрылася Міжнародная адукацыйная анлайн-выстава «Адукацыя ў Беларусі – 2020» у Рэспубліцы Узбекістан на платформе, распрацаванай ДАРУП «Цэнтр міжнародных сувязяў». Пра гэта паведамляецца ў Telegram-канале Міністэрства адукацыі Беларусі.

У выставачных мерапрыемствах прымае ўдзел 5 устаноў вышэйшай адукацыі. У іх ліку – Магілёўскі дзяржаўны ўніверсітэт імя А. А. Куляшова.

Як адзначаюць арганізатары, удзел у анлайн-выставе ва ўмовах пандэміі дае ўнікальную магчымасць пазнаёміцца з адукацыйным патэнцыялам устаноў вышэйшай адукацыі Рэспублікі Беларусь, падабраць праграму бакалаўрыяту, магістратуры або аспірантуры, курсаў павышэння кваліфікацыі, летніх і зімовых школ, курсаў рускай мовы, а таксама асабіста пагутарыць з прадстаўнікамі ўніверсітэтаў, атрымаць індывідуальную кансультацыю па ўмовах паступлення, навучання і знаходжання ў Рэспубліцы Беларусь у спецыялістаў Цэнтра міжнародных сувязяў.

Дарэчы, доступ да рэкламна-інфармацыйных матэрыялаў універсітэтаў-удзельнікаў з магчымасцю запампоўкі файлаў і прагляду інфармацыйна-рэкламных ролікаў і відэапрэзентацый будзе адкрыты да 10 кастрычніка.