13.04.2020

Маскі шыюць на прадпрыемствах і ў майстэрнях Магілёўскай вобласці

Буйныя прадпрыемствы і невялікія вытворчасці Магілёўскай вобласці адрэагавалі на патрэбнасць часу і шыюць марлевыя і аднаразовыя павязкі. Напрыклад, Бабруйская «Славянка» штодня вырабляе 200 тысяч масак.

Фабрыка ў Бабруйску павязкі шые ўжо 2 месяцы. Праўда, калі раней шыццём займалася некалькі цэхаў, а астатнія – заказамі па вопратцы, то сёння ўсе 500 работніц шые шматразовыя марлевыя павязкі для беларускіх аптэк і прадпрыемстваў. Штодня адшываюць да 200 тысяч павязак.

Вырабляць медыцынскія маскі ўзяліся і на Асіповіцкім прадпрыемстве«Тэхпрам». Гэта невялікая вытворчасць адносіцца да абласной арганізацыі Беларускага таварыства інвалідаў і займаецца пашывам спецадзення для прадпрыемстваў. Не адмяняючы сваіх заказаў, тут вырашылі ўзяць дадатковую нагрузку і зрабіць 60 тысяч аднаразовых масак. Іх накіруюць на прадпрыемствы.