08.07.2025

Магілёўскі ЦАР выйграў усе матчы ў двух турах чэмпіянату Беларусі па пляжным футболе

Магілёўскі ЦАР стаў лідарам 18-га чэмпіянату Беларусі па пляжным футболе, паведамляе карэспандэнт БЕЛТА.

У сямі сустрэчах двух стартавых тураў, праведзеных у Кіраўску, дзеючыя чэмпіёны краіны атрымалі сем вікторый. Шэсць матчаў магіляўчане выйгралі ў асноўны час і толькі ў паядынку са спартсменамі Шчучына здабылі перамогу ў авертайме - 5:4. Становішча каманд пасля двух тураў: ЦАР - 19 ачкоў (7 матчаў), "Брэст-Волга" - 12 (7), "Шчучын" - 11 (7), "Мінск" - 9 (6), ДЮСШ-ЦАР - 8 (7), "Юркас-ВіцАблСпорт" - 5 (7), "Гроднааблспорт" - 0 (7).

Наступны тур нацыянальнага першынства адбудзецца 9-10 жніўня ў Шчучыне. А да гэтага лепшыя ігракі збяруцца ў лагеры зборнай Беларусі і будуць рыхтавацца да старту ў Еўралізе. З 18 па 20 ліпеня ў грузінскім Батумі беларусы згуляюць з камандамі Чэхіі, Германіі і Турцыі, а 25-27 ліпеня ў італьянскім Кастэламарэ-ды-Стабія будуць сапернічаць са зборнымі Швейцарыі, Малдовы і Латвіі. Суперфінал Еўралігі пройдзе з 9 па 14 верасня ў італьянскім Віярэджа.

БелТА