10.12.2020

Юныя спартсмены Магілёўскай вобласці заваявалі ўзнагароды на міжнародным турніры па лёгкай атлетыцы

У лёгкаатлетычным манежы Брэста прайшлі першыя буйныя спаборніцтвы зімовага сезона па лёгкай атлетыцы – міжнародны турнір памяці Героя Савецкага Саюза Дзмітрыя Карбышава. У ім прынялі ўдзел наймацнейшыя спартсмены дзвюх узроставых катэгорый: юнакі і дзяўчаты 2004–2005, а таксама 2006–2007 гадоў нараджэння з усіх рэгіёнаў Беларусі.

На рахунку прадстаўнікоў Магілёўскай вобласці 3 залатыя, 5 сярэбраных і 5 бронзавых узнагарод. Пераможцай турніру стала эстафетная каманда дзяўчат у бегу 4х200 метраў (Аліна Кірыенка, Валерыя Волкава, Анастасія Дрозд, Карына Кавалькова), Анастасія Дрозд (трайны скачок) і Карына Кавалькова (бег на 60 м з бар’ерамі).

Генадзь Аляксандраў, mogilevnews.by