14.08.2023

Іванец: ёсць неабходнасць уніфікацыі норм ацэнак на ЦЭ і ў школе

Ёсць неабходнасць уніфікацыі і крытэрыяў ацэнкі па выніках цэнтралізаванага экзамену, і тых норм ацэнак, якія выкарыстоўваюцца цяпер у школе. Аб гэтым сёння журналістам паведаміў міністр адукацыі Андрэй Іванец, перадае карэспандэнт БЕЛТА.

"Ва ўсіх рэгіёнах і ў Мінску па цэнтралізаваным экзамене назіраюцца вельмі роўныя вынікі. Гэта сведчыць аб тым, што ў нас сёння агульная сярэдняя адукацыя знаходзіцца не проста на высокім узроўні, але з'яўляецца даступнай, гэта значыць не залежыць ад таго, вучыцца дзіця ў малакамплектнай сельскай школе альбо яно выпускнік сталічнай гімназіі ці ліцэя. Тут мы бачым неабходнасць прадаўжаць работу ў гэтым напрамку ў частцы ўніфікацыі і крытэрыяў ацэнкі па выніках цэнтралізаванага экзамену і тых норм ацэнак, якія выкарыстоўваюцца цяпер у школе. Гэта будзе ствараць зразумелую, спрыяльную карціну для дзяцей і бацькоў дакладнага разумення, якая сістэма ацэнак у школе, якая сістэма ацэнак, якія яны атрымліваюць на цэнтралізаваным экзамене", - расказаў Андрэй Іванец.

Міністр адзначыў, што глыбінны аналіз вынікаў цэнтралізаванага экзамену паказвае, што структура і змест заданняў ЦЭ цалкам адпавядалі школьнай праграме. "Гэта дало магчымасць нам вырашыць шэраг пытанняў. Адно з іх - гэта дастаткова высокія вынікі. Мы сёння прааналізавалі сярэднія балы ЦЭ па ўсіх прадметах па краіне, яны склалі 60-65 балаў. Гэта вельмі добры, высокі вынік", - падкрэсліў ён.