30.09.2020

Інклюзіўная майстэрня «Рамонак» пачала працаваць у Клічаве

У Клічаве пачала працаваць майстэрня «Рамонак». Праект для людзей з абмежаванымі магчымасцямі рэалізаваны ў мясцовым аддзяленні для дзённага знаходжання інвалідаў.

Пакуль на трох працоўных месцах жанчыны шыюць пасцельную бялізну, абрусы і іншы кухонны тэкстыль. Усяго ў майстэрні будзе працаваць 25 чалавек. Для іх гэтамагчымасць занятасці і заробку.

«Рамонак» – рэгіянальны праект трох сельскіх раёнаў: Чэрыкаўскага, Слаўгарадскага і Клічаўскага. Яго сутнасць – у стварэнні сучасных швейных майстэрняў, дзе людзі з абмежаванымі магчымасцямі могуць не проста заняць сябе, а зарабіць.