11.08.2025

Фестываль сярэднявечча, які звяртаецца да вытокаў: свята "У госці да радзімічаў" прайшоў у Чавускім раёне

Аграгарадок Радомля ў Чавускім раёне - месца дзіўнае. Тут бярэ пачатак адно з паселішчаў нашых далёкіх продкаў - радзімічаў. Тут на адным з узвышшаў была выяўлена іх стаянка. Сюды прыязджалі археолагі і гісторыкі, а цяпер гэта месца становіцца адным з турыстычных напрамкаў. А каб у кожнага была магчымасць пазнаёміцца з гісторыяй Замкавай гары, даведацца, як жылі нашы продкі, у Чавускім раёне было прынята рашэнне стварыць аўтэнтычны фестываль ранняга сярэднявечча.