10.04.2020

Каля 2,7 млн. дрэў высаджана ў Магілёўскай вобласці падчас «Тыдня лесу»

Каля 2,7 млн. саджанцаў асноўных лесаўтваральных парод высаджана ў Магілёўскай вобласці падчас «Тыдня лесу». Пра гэта паведамілі ў Магілёўскім дзяржаўным вытворчым лесагаспадарчым аб’яднанні.

У Рэспубліканскай добраахвотнай акцыі ўзялі ўдзел больш за 6,7 тыс. жыхароў Прыдняпроўскага краю. Карысную ініцыятыву падтрымалі прадстаўнікі органаў дзяржаўнага кіравання, працоўныя калектывы, грамадскіх арганізацый і моладзь. Новы лес быў створаны на плошчы 573 га. Асноўнымі пародамі традыцыйна сталі хвоя, елка і бяроза. Таксама добраахвотнікі правялі ачыстку ад захламленасці лесу, прыбраўшы 900 куб. м смецця, адрэстаўравалі 60 месцаў адпачынку.

Акцыя «Тыдзень лесу» праходзіла ў Беларусі з 28 сакавіка па 4 красавіка. Яе галоўная мэта–прыцягнуць увагу да неабходнасці беражліва ставіцца да ляснога фонду. Асаблівы акцэнт робіцца на працы з падрастаючым пакаленнем. У гэтым годзе акцыя прайшла 13-ым разам і была прысвечана Году малой радзімы і 75-годдзю Перамогі ў Вялікай Айчыннай вайне.