26.04.2025

Больш за 140 удзельнікаў з Беларусі і Расіі сабраў конкурс выканаўцаў на аркестравых інструментах у Магілёве

VII Рэспубліканскі адкрыты конкурс выканаўцаў на аркестравых інструментах імя Я.А. Глебава прайшоў у Магілёве. У бягучым годзе ён аб'яднаў больш за 140 навучэнцаў устаноў сярэдняй спецыяльнай адукацыі з Беларусі і Расіі. Аб гэтым паведамілі БЕЛТА ва ўпраўленні культуры Магілёўскага аблвыканкама.

Яркая музычная падзея садзейнічае выяўленню і падтрымцы маладых таленавітых музыкантаў, папулярызацыі выканання на аркестравых інструментах, абмену вопытам і развіццю міжнародных культурных адносін.

На працягу некалькіх дзён удзельнікі дэманстравалi свой талент і прыцягвалi ўвагу да выканальніцтва на драўляных духавых, медных духавых, ударных і струнных смычковых інструментах. Ацэньвалi ўдзельнікаў аўтарытэтныя музыканты-выканаўцы, прызнаныя дзеячы мастацтваў, прадстаўнікі прафесарска-выкладчыцкага складу вышэйшай прафесійнай музычнай адукацыі.

Рэспубліканскі адкрыты конкурс выканаўцаў на аркестравых інструментах імя Я.А. Глебава праводзіцца па ініцыятыве Міністэрства культуры і Магілёўскага аблвыканкама.

БелТА