31.12.2024

Больш вырабілі і экспартавалі. Адразу два рэкорды ўстанавілі ў ААТ "Крычаўцэментнашыфер"

У ААТ "Крычаўцэментнашыфер" зарэгістравана адразу два рэкорды: аб'ём гадавога выпуску прадукцыі і аб'ём адгрузкі на экспарт. Аб гэтым карэспандэнту БЕЛТА расказала намеснік генеральнага дырэктара па ідэалагічнай рабоце, сацыяльных пытаннях і персанале Наталля Свінагон.

Так, да сярэдзіны снежня бягучага года на ААТ "Крычаўцэменташыфер" выпусцілі больш за 1,614 млн т прадукцыі, устанавіўшы абсалютны рэкорд гадавога выпуску з моманту пуску новай тэхналагічнай лініі па вытворчасці цэменту "сухім спосабам". Прадпрыемства ў суме за год паставіла за мяжу звыш 1 млн т прадукцыі, што з'яўляецца абсалютным рэкордам па экспарце з моманту пуску новай лініі.

Як удакладніла Наталля Свінагон, за 11 месяцаў гэтага года прадпрыемства забяспечыла загрузку сваіх вытворчых магутнасцей больш як на 100 працэнтаў. За гэты перыяд запасы цэменту былі зніжаны больш як у чатыры разы ў параўнанні з аналагічным перыядам мінулага года. Рэалізацыя гатовай прадукцыі вырасла на 3,1 працэнта, а ўдзельная вага экспарту перавысіла 60 працэнтаў.

БелТА