26.08.2025

"Бабруйскаграмаш" будзе пашыраць продаж тэхнікі для корманарыхтоўкі і вырошчвання бавоўны ва Узбекістан

"Бабруйскаграмаш" наведалі прадстаўнікі ўзбекскай кампаніі ТАА "Agromax technic", паведамілі БЕЛТА ў холдынгу.

Госці азнаёміліся з вытворчасцю і шырокай лінейкай сельскагаспадарчых машын і абсталявання, якія вырабляюцца прадпрыемствамі холдынга "Бабруйскаграмаш".

Па выніках праведзеных перагавораў былі пацверджаны дасягнутыя раней дамоўленасці аб сумеснай рабоце па пашырэнні тэхнікі для корманарыхтоўкі і вырошчвання бавоўны на ўзбекскім рынку, а таксама вызначаны далейшыя крокі па яе рэалізацыі.

БелТА