28.06.2021

«Бабруйскаграмаш» падпісаў дыстрыбутарскае пагадненне з гандлёвым домам у РФ

ААТ «Кіруючая кампанія холдынгу «Бабруйскаграмаш»і ТАА «Гандлёвы дом «Бабруйскаграмаш» падпісалі дыстрыбутарскае пагадненне аб сумесным прасоўванні прадукцыі холдынгу на 2021–2022 гады. Пра гэта паведамілі ў прэс-службе прадпрыемства.

ТАА «Гандлёвы дом «Бабруйскаграмаш»з’яўляецца афіцыйным прадстаўніком холдынгу «Бабруйскаграмаш» у Расійскай Федэрацыі з 2015 года. За час супрацоўніцтва расійскім партнёрам была сфарміравана тавараправодная сетка, якая ўключае ў сябе больш за 100 дылераў, філіялаў і рэгіянальных прадстаўніцтваў, якія ахопліваюць усю тэрыторыю краіны. «Дзякуючы суладнай і аператыўнай працы ТАА «Гандлёвы дом «Бабруйскаграмаш»рост экспартных паставак тэхнікі за апошні справаздачны перыяд склаў 150%», – адзначылі ў прэс-службе.

У адпаведнасці з падпісаным сёння пагадненнем расійскі партнёр працягне забяспечваць комплексныя пастаўкі сельскагаспадарчай тэхнікі для аграрыяў Расійскай Федэрацыі, прадаставіць аптымальныя ўмовы для яе набыцця і сэрвіснага абслугоўвання.

«Падпісанне такога пагаднення сведчыць аб стабільнасці і сур’ёзнасці двухбаковых адносін. «Бабруйскаграмаш» з’яўляецца адным з нямногіх вытворцаў, які выпускае шырокую гаму сучаснай тэхнікі для эфектыўнага вядзення сельскай гаспадаркі», – падкрэсліў генеральны дырэктар ТАА «Гандлёвы дом «Бабруйскаграмаш» Андрэй Усік.

«Мы разумеем нашу будучыню і адчуваем нашага пастаяннага партнёра. Мы ўпэўнены, што будзем пастаўляць сельскагаспадарчую тэхніку з нармальнымі аб’ёмамі і прыростам у 2021–2022 гадах», – адзначыла генеральны дырэктар ААТ «Кіруючая кампанія холдынгу «Бабруйскаграмаш» Надзея Лазарэвіч.

Як адзначыў маркетынг-дырэктар па працы на рынках Беларусі і блізкага замежжа Уладзімір Дайнека, на маючым адбыцца форуме рэгіёнаў Беларусі і Расіі паміж двума прадпрыемствамі плануецца падпісанне буйнога кантракту. «Будзе падпісаны кантракт на пастаўку тэхнікі ў другім паўгоддзі. У найбліжэйшай перспектыве холдынг «Бабруйскаграмаш» будзе пашыраць сваю прысутнасць на рынку Расійскай Федэрацыі за кошт наменклатуры продажаў, павелічэння долі ва ўжо асвоеных сегментах рынку і выхаду на новыя», – расказаў Уладзімір Дайнека.

ААТ «Кіруючая кампанія холдынгу «Бабруйскаграмаш» з’яўляецца адным з найбуйнейшых вытворцаў сельскагаспадарчых машын і прыстасаванняў у краінах Усходняй Еўропы. Прадпрыемства працуе на рынку сельскагаспадарчай тэхнікі з 1974 года. Асартымент прадукцыі налічвае больш за 150 найменняў. На сённяшні дзень тэхніка холдынгу пастаўляецца больш чым у 50 краін свету.

Магілёўскі абласны выканаўчы камітэт