18.08.2021

Аўдыякнігі для дарослых і дзяцей можна праслухаць на сайце Цэнтральнай бібліятэкі Магілёва

Літаратурная off/online студыя "Гаворачыя кнігі" пачала працаваць у Цэнтральнай гарадской бібліятэцы імя К.Маркса ў Магілёве. Аб гэтым карэспандэнту БЕЛТА паведамілі ў адміністрацыі ўстановы культуры.

"На сайце цэнтральнай гарадской бібліятэкі з'явіўся новы раздзел, дзе сабраны ўсе раней выдадзеныя намі аўдыякнігі мастацкіх твораў сусветна вядомых пісьменнікаў: беларускіх, рускіх, замежных. Тут сабраны выданні як для дарослай аўдыторыі, так і для дзяцей, - расказалі ў бібліятэцы. - Такая шырокая падборка твораў дапаможа маладым бацькам: можна перад сном уключыць дзіцяці казку. Для вучняў школ новы раздзел будзе ў дапамогу - тут ёсць кнігі па школьнай праграме".

Электронны фармат прадстаўленай бібліятэкі даступны для кожнага карыстальніка. Акрамя таго, тут размешчаны цікавыя факты з жыцця аўтараў твораў. Папаўняцца электронная бібліятэка аўдыякніг будзе штомесяц - да дня нараджэння аўтара-юбіляра.

"Прыемны голас, падабраная з густам музыка лепшых кампазітараў свету, расслабляльная атмасфера відэаролікаў і ўкладзены пры іх стварэнні пазітыў настрояць гледачоў і слухачоў на гарманічнае ўспрыманне мастацкай літаратуры", - падкрэслілі спецыялісты.

Акрамя таго, раз у тры месяцы ў рамках літаратурнай студыі будуць праходзіць тэматычныя сустрэчы і прэзентацыі новых твораў.

БелТА