Акцыя "Нашы дзеці" дае магчымасць кожнаму з нас падзяліцца часцінкай свайго цяпла з іншымі. Такім меркаваннем падзялілася намеснік старшыні Пастаяннай камісіі па міжнародных справах Палаты прадстаўнікоў Вольга Петрашова ў час віншавання маленькіх пацыентаў анкалагічнага (гематалагічнага) аддзялення Магілёўскай абласной дзіцячай бальніцы. Для іх дэпутаты прывезлі салодкія падарункі і цацкі. Актывісты і валанцёры паказалі сапраўднае навагодняе шоу - з песнямі, танцамі і карагодамі. На свяце пабываў і галоўны навагодні чараўнік - Дзед Мароз. Ён павіншаваў дзяцей і іх бацькоў з надыходзячымі святамі і пажадаў усім здароўя і цудаў у новым годзе.