20.05.2025

Адкрыліся чартарныя рэйсы з аэрапорта Магілёў у турэцкую Анталью

Адкрыліся чартарныя палёты з аэрапорта Магілёў у Анталью. Аб гэтым БЕЛТА паведамілі ў прэс-службе Нацыянальнага аэрапорта Мінск.

Пасля чатырохгадовага перапынку зноў стартавала чартарная праграма выканання рэйсаў у Анталью. Самалёт у васільковай ліўрэі вылецеў з Магілёўскага аэрапорта ў Турцыю 18 мая. "Першыя пасажыры ўжо адправіліся ў падарожжа. Загрузка першага рэйса склала 100 працэнтаў", - адзначылі ў прэс-службе.

Палёты будуць ажыццяўляцца адзін раз у 10 дзён. Плануецца, што гэта праграма прадоўжыцца да 22 кастрычніка.

Раней з аэрапорта Магілёў былі адкрыты рэгулярныя авіязносіны з Масквой (аэрапорт Шарамецева).

БелТА