30.04.2025

Ад рэабілітацыі да эканамічнага росту. Ісачанка аб мінімізацыі наступстваў чарнобыльскай катастрофы

У пытаннях мінімізацыі наступстваў чарнобыльскай катастрофы краіна ідзе правільным шляхам - ад рэабілітацыі да эканамічнага росту і развіцця. Такой думкай падзяліўся старшыня Магілёўскага аблвыканкама Анатоль Ісачанка ў Касцюковічах на мітынгу, прымеркаваным да 39-й гадавіны аварыі на ЧАЭС. Мітынг адбыўся каля памятнага знака, устаноўленага да 20-годдзя аварыі на ЧАЭС. Касцюковіцкі раён - адзін з самых пацярпелых у вобласці ад наступстваў аварыі на ЧАЭС: тут радыеактыўнае забруджванне зведалі 78 населеных пунктаў, 40 вёсак пахаваны.