Тры пажары ў Горацкім, Дрыбінскім і Магілёўскім раёнах адбыліся за суткі ў Магілёўскай вобласці. Падчас аператыўнай работы выратаваны 2 жылыя дамы, 3 гаспадарчыя будынкі, паведамілі ў Магілёўскім абласным УМНС.
Бязладнае раскідванне не затушаных недакуркаў ледзь не каштавала жыцця 61-гадоваму жыхару вёскі Валынцава Горацкага раёна. Увечары 27 снежня мужчына пакурыў і, не патушыўшы недакуркі, лёг спаць. Раніцай з'едлівы пах дыму разбудзіў гаспадара дома - гарэла падлога ў пакоі. Пры самастойнай эвакуацыі мужчына атрымаў 4% апёкі цела.
У выніку пажару знішчаны дах, перакрыцце і маёмасць у доме, а таксама прылеглая прыбудова. Дарэчы, мужчына ўжо не першы раз становіцца вінаватым у ўзнікненні пажару з-за неасцярожнасці пры курэнні.
Дарэчы, паводле статыстыкі ў перыяд з 25 снежня па 7 студзеня сярэдняя колькасць пажараў павялічваецца на 20% у адносінах да звычайных дзён, істотна ўзрастае і гібель. Навагодняя і калядная ночы становіцца самымі гарачымі. І звязана гэта ў большасці выпадкаў з тым, што разгарачаныя спіртнымі напоямі людзі, дапускаюць неасцярожнасць пры курэнні.
