Наладкі
Наладкі шрыфта
Arial
Times New Roman
Памер шрыфта
A
A
A
Iнтэрвал памiж лiтарамі
Паменшаны
Стандартны
Вялікі
Каляровая схема
Чорным
па белым
Белым
па чорным
АСІПОВІЦКІ РАЁННЫ ВЫКАНАЎЧЫ КАМІТЭТ
Галоўная / Навіны / Навіны рэгіёну
25 мая 2020

Сусветны дзень пчол адзначылі ў МДУ імя А. А. Куляшова

Упершыню на базе аграбіялагічнай станцыі «Любуж» студэнты і выкладчыкі кафедры прыродазнаўства адзначылі Сусветны дзень пчол. Пра гэта паведамілі ва ўстанове адукацыі.

Як расказалі суразмоўцы, гэта свята стала чырвоным днём календара ў 2017 годзе. Адпаведнае рашэнне было прынята на Генеральнай Асамблеі ААН.

«Дзень пчол – гэта напамін чалавецтву аб той каласальнай ролі, якую маюць апыляльнікі у нашай экасістэме. На жаль, арэал пасялення пчол увесь час звужаецца, і ў гэтым не ў апошнюю чаргу вінаваты чалавек», – адзначыў загадчык аграбіястанцыі «Любуж», кандыдат сельскагаспадарчых навук Аляксей Ярмоленка.

Дарэчы, менавіта па яго ініцыятыве ў «Любужы» ўжо трэці год дзейнічае пчальнік.

«У нас пяць пчаліных хатак. Кожны год збіраем дзівосны смачны мёд. Самае галоўнае – гэты прадукт без усялякіх прымешак, ён прыродны», – каментуе суразмоўца. – Аграбіястанцыя – гэта, без усялякіх перабольшанняў, унікальнае месца. Таму, хто яшчэ там не пабываў, мы настойліва раім: правядзіце выхадныя ў аазісе рэдкіх раслін і нязвыклых для вачэй гараджаніна яркіх фарбаў. Цяпер якраз расцвілі сады. «Любуж» ператварыўся ў райскае месца, і не толькі для пчол».

Студэнты арганізавалі «пчаліныя» віктарыны, конкурсы, у якіх прыняў удзел член Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці, прарэктар па вучэбнай рабоце Алег Дзьячэнка.

«Папулярызацыі пчалярства ўніверсітэт надае вялікае значэнне, улічваючы ролю гэтай галіны ў развіцці чалавецтва, расліннага і жывёльнага свету і захаванні навакольнага асяроддзя», – падкрэсліў Алег Дзячэнка.

Да спіса навін