Людміла Сабела, прыбіральшчыца службовых памяшканняў Лапіцкай СШ:
— Што ні кажы, а выбары — падзея хвалюючая, нават святочная. Прагаласавала датэрмінова: жыву ў вёсцы Ручэй з малодшай дачкой, у яе ўчора быў выхадны, таму зручна разам схадзіць на ўчастак у Сасновы. Канечне, хачу, каб дэпутаты і далей спрыялі людзям у вырашэнні розных пытанняў. Асабіста мне, напрыклад, патрэбна дапамога ў рамонце агароджы, усе жыхары вуліцы Ручэйскай будуць удзячны, калі дарогу падсыплюць ды падраўняюць. Хочацца, каб і ў вёсцы жыццё было камфортным!
